අනුරාධපුර යුගයේදී පොළොන්නරු ප්‍රදේශයේ ඉදිකර තිබූ වැව් රාහිය අතරින් එකිනෙකට් ළංව පිහිටි තෝපාවැව,දුඹුටුලු වැව, එරබදු වැව, බූ වැව සහ කළහගල වැව යන මධ්‍යම ප්‍රමාණයේ වැව් පහ තනි බැම්මක් මඟින් සම්බන්ධ කර මහා පරාක්‍රමබාහු රජු විසින් ඉදිකළ ජලාශය "පරාක්‍රම සමුද්‍රය" නමින් හැඳින්වේ.මහවැලි ගංගාවෙහි අතු ගංගාවක් වූ අඹන් ගඟේ සිට ආකාශ ගංගා නම් වූ ඈළ මාර්ගය ඔස්සේ මෙයට ජලය සපයා ඇති අතර කෘෂිකර්මාන්තයට මනා පිටුවහලක් ව පැවති මෙම ජලාශය කල්ගතවත් ම විනාශ වීම හේතුකොටගෙන පිළිසකර කිරීමේදී වැව් තුනකට පමණක් සීමා වී ඇත.වත්මන් වැව් බැම්ම දිගින් කි.මී.12.38ක් වන අතර උසින් මීටර් 9.45කි.වර්තමානයේ හෙක්ටයාර් 2539.50ක භූමි ප්‍රදේශයක් පුරා පැතිරී ඇති මෙම ජලාශයෙහි ඝන මීටර් දසලක්ෂ 134.07ක ජල ධාරිතාවක් පවතී.
No comments:
Post a Comment